يقول ذي بات في ضيقه وفي حزنه = من يوم لا يوم وانا شايل احزاني
صابر على قهر هد القلب من حينه = ذبح فؤادي وحرق دم شرياني
من شافني قال مالك قلت في محنه = في هم في ضيق في قهري ولأشجاني
في ويل في يأس في ونه ورا ونه = في حزن مكتوم نزل دمع الأعياني
روحي بلا روح وانا حامل الطعنه = ذي خلت القلب من مافيه طفشاني
في ذمة ابليس له مني مية لعنه = هو ذي فعلها وانا بالفعل غلطاني
يا عز الأصحاب بعدك ما معي فهنه = عايش معذب وطول الليل سهراني
ساير ولاسرت مانا داري اصلينه = عقلي بلا عقل ماحد عارف اشجاني
من يوم خالد من اصليا فقد ضنه = حسيت بأحباط جادلني وبكاني
كم يا اصدقاء كم وكم يسره ومن يمنه = لاكنني صدق فاقد خير الأركاني
فقدت رجال لو بالوزن بازينه = لا يوزن الكون خالد حسب ميزاني
صديق صادق مشئ بالشرع والسنه = عاقل مؤدب ووافي شهم سلطاني
امير بالعز والمعروف في دينه = لاقلت انسان خالد خير انساني
ونقلت هو اخ فعلاً اخ لاخوانه = ومثل خالد فهو من خير الأخواني
لو بمدحه صدق في شعري وقيفانه = لايعجز الشعر بأشكاله والألواني
يا خير صاحب ذهب ما يختلف لونه = لك كل تقدير لك شكري وعرفاني
جيتك ودمي لأجلك رهن في رهنه = جيتك وانا فيك واثق طول الأزماني
يارمز الأصحاب خرج اخ من ضيقه = محتار مجروح لأجل الحزن حيراني
اعز الأصحاب كيف باسير من دونه = لأنه الأخ ذي من طيبه ارواني
لي من جهاته طلب يحتاج لاعونه = يحتاج جوده ومعروفه والأحساني
جيته ولا زلت واثق في الصحب منه = اما مخوه واما بطرح اكفاني
اين اتجه بعد خالد يا عالم اينه = ضاقت بي الأرض بين اهلي وجيراني
هذا هو الصدق والهاجس حكا عنه = واسئل من الله يجمع شمل الأخواني
في الختم صلاتي تغشاء البدر في حسنه = صلو على المصطفئ هو بدر الأكواني
الجمعة سبتمبر 16, 2011 3:38 pm من طرف 
